Nakasinati og pagbaha ang pipila ka bahin sa Davao City human sa kusog nga pag-ulan niining semana. Lakip sa naapektuhan mao ang pipila ka ubos nga komunidad ug dagkong karsada diin hinay ang dagan sa trapiko.
Sumala sa City Disaster Risk Reduction and Management Office (CDRRMO), dayon silang nagpahigayon og monitoring ug clearing operations aron masiguro ang kaluwasan sa mga residente. Aduna usab pipila ka pamilya nga temporaryong gipalikas isip pag-amping batok sa posibleng pagtaas pa sa tubig.
Padayon nga gipahimangno sa mga otoridad ang publiko nga magpabilin nga alerto ilabi na sa mga flood-prone areas. Giawhag usab ang mga residente nga motan-aw sa weather advisories ug likayan ang pagtabok sa baha aron malikayan ang disgrasya.(Camille Santos Naraga)(Source: Contributed)