Misaka ang ihap sa mga turista nga mibisita sa mga beach resort ug tourist spots sa Davao Oriental niining tag-init. Sumala sa pipila ka resort owners, mas taas ang bookings karong mga miaging semana kumpara sa miaging mga bulan.
Gisulti nga nakatabang ang maayong panahon ug ang mas gipakusog nga promosyon sa turismo aron makadani og mga bisita gikan sa nagkalain-laing bahin sa Mindanao. Daghan usab ang moadto sa lalawigan aron masinati ang mga beach ug eco-tourism destinations niini.
Padayon nga gipahimangno sa mga lokal nga otoridad ang mga turista nga mosunod sa safety guidelines ug magpadayon sa pag-atiman sa kalimpyo sa mga pasyalan. Gilauman nga makatabang ang pagdagsa sa turista sa pagpalambo sa lokal nga ekonomiya sa lalawigan. .(Camille Santos Naraga)(Source: Contributed)