DAVAO CITY – Gipangulohan ni DIR III EDGAR JUBAY, Regional Director sa Philippine Drug Enforcement Agency (PDEA) Regional Office 11, ang pormal nga paghatag sa Balangay Seal of Excellence ngadto sa Municipality of Sta. Maria, Davao Occidental sa usa ka seremonyal nga awarding nga gipahigayon sa Municipal Grounds, Poblacion, Sta. Maria, Davao Occidental niadtong Hunyo 17, 2025.
Kini nga pasidungog nagpamatuod sa lig-on nga paningkamot sa Sta. Maria sa kampanya batok sa ilegal nga droga, maayong pagdumala sa lokal nga gobyerno, ug kalamboan sa komunidad.
Si MAYOR CLAUDE BAUTISTA, uban sa mga yawe nga opisyal sa munisipyo, mahinungdanong nidawat sa maong pasidungog sa ngalan sa lokal nga panggamhanan, ug mipadayag og padayon nilang paningkamot alang sa usa ka drug-free ug mauswagong Sta. Maria.(Camille Santos Naraga)(Source: Contributed)