DAVAO CITY – Gikumpirma ni House Secretary General Reginald Velasco nga dili mutambong si Vice President Sara Duterte sa ika-upat nga State of the Nation Address (SONA) ni President Ferdinand “Bongbong” Marcos Jr. karong umaabot nga Hulyo 28, 2025.
Matod ni Velasco, nakadawat na ang Malacañang og pormal nga sulat gikan sa Office of the Vice President (OVP) nga nagpahibalo nga dili motambong si VP Sara sa maong aktibidad.
Bisan pa niini, magpadayon gihapon ang preparasyon sa Palasyo ug sa House of Representatives, subay sa posibilidad nga muabot ang Bise Presidente sa kalit nga panahon.
Lakip sa mga naka-schedule nga kalihukan mao ang final coordination meetings sa Hulyo 14 ug 17, ug ang SONA walkthrough nga ipahigayon sa Hulyo 21. (Camille Santos Naraga)(Source: Contributed)