DAVAO CITY — Usa ang patay ug duha ang samaran, lakip ang usa ka municipal councilor, human sila gibirahan sa wala mailhing mga suspek samtang nagbiyahe sakay sa usa ka Multi-Purpose Vehicle sa Barangay Tuka niadtong Huwebes, Disyembre 4, 2025.
Base sa report sa Maguindanao del Sur Police Provincial Office, ang namatay giila nga si “Samsudin,” residente sa Sultan sa Barongis.
Nasamaran usab si Municipal Councilor Montasir sa Sultan sa Barongis, nga maoy drayber sa sakyanan, ug usa pa ka kauban nila.
Gikan pa ang grupo sa Cotabato City ug padulong na unta sa Sultan sa Barongis sa dihang gitambangan sila duol mismo sa Barangay Hall sa Tuka.
Gisuta pa sa kapulisan kung rifle ba o .45-caliber pistol ang gigamit sa mga suspetsado.
Padayon ang imbestigasyon aron matino ang motibo ug ang pagkaila sa mga responsable sa ambush. Ginamalan na sa ospital ang nasamdan nga konsehal. .(Camille Santos Naraga)(Source: Contributed)