Nasikop sa mga otoridad ang usa ka lalaki nga gituohang nalambigit sa sunod-sunod nga mga kaso sa pagpangawat sa pipila ka establisemento sa Davao del Sur human sa gipahigayon nga follow-up operation.
Sumala sa kapulisan, natultolan ang suspek pinaagi sa mga ebidensyang ilang nakolekta ug sa mga impormasyon nga nakuha gikan sa mga saksi.
Narekober usab sa operasyon ang pipila ka mga butang nga gituohang gikawat, lakip na ang mga electronic devices ug personal nga mga kagamitan.
Padayon pa ang imbestigasyon sa mga otoridad aron mahibal-an kon adunay ubang mga kauban ang suspek sa nahitabong mga insidente.
Atubangon karon sa nadakpang indibidwal ang angayng mga kaso samtang nagpadayon ang imbestigasyon. .(Camille Santos Naraga)(Source: Contributed)