DAVAO CITY— Nasakmit ang kapin 110.24 kilos nga ginadudahang shabu nga nagkantidad og P749.63 milyon sa Manila International Container Port (MICP) human kini madiskubre sulod sa upat ka mga karton nga nakapaloob sa usa ka shipment.
Gipresentar sa mga otoridad ang mga nakumpiskar nga illegal nga droga niadtong Huwebes, Hulyo 17, 2025.
Gikuhaan na og samples ang mga pakete sa droga ug kasamtangang gisusi sa Philippine Drug Enforcement Agency (PDEA) aron makumpirmar kung kini ba gyud shabu.
Padayon ang imbestigasyon sa mga otoridad aron matino kung kinsa ang mga responsable sa maong shipment ug mapasakaan og tukmang kaso.