Nabati ang kabalaka sa mga residente sa Sitio Nangka, Barangay Luz human makit-i ang patayng lawas sa usa ka inahan ug sa iyang gamay nga anak sulod sa ilang giabangan nga kwarto niadtong Huwebes, Hulyo 17, 2025.
Ang inahan naila nga si Laviña Mendoza, 33 anyos, nga taga Daanbantayan, Cebu. Bag-o pa lang siya nagpuyo sa maong lugar uban sa iyang anak nga kapin usa ka tuig ang edad.
Ang tag-iya sa kwarto maoy unang nakadiskubre sa insidente pasado alas 3 sa hapon, dihang iyang gisusi ang kuryente sa kwarto. Didto niya nakita nga nagbitay si Mendoza, samtang ang iyang anak patay na usab ug nagkatulog sa katre.
Wala kabantay ang mga silingan sa nahitabo kay ilang pagtoo nga baho lang sa ilaga ang ilang nashot. Naalarma lang sila human maablihan ang kwarto ug makit-an ang patayng sa inahan ug anak.
Gisusi pa sa kapulisan ang hitabo aron masayran kun aduna bay krimen nga nahitabo o laing hinungdan sa ilang kamatayon. Nangayo usab sila og tabang gikan sa mga silingan sa ilang imbestigasyon.
Padayon ang panawagan sa mga otoridad sa katawhan nga magmatngon ug mutabang kung adunay kasayuran kabahin sa panghitabo.