DAVAO CITY – Miabot ang tabang gikan sa Office of the Vice President (OVP) alang sa mga pamilya nga naapektuhan sa Typhoon Tino sa Cebu kaniadtong Nobyembre 6, 2025.
Pinaagi sa Disaster Operations Center sa OVP, gipang-apod-apod ang 1,177 ka RIICE bags ug mga canned goods sa mga residente sa Talisay City, Cebu City, ug Mandaue City.
Samtang niini, gipadala usab ang Kalusugan Food Truck sa Danao City aron magserbisyo og libreng init nga pagkaon sa mga apektadong pamilya.
Ang OVP nagpahimangno nga padayon ang ilang suporta ug tabang sa mga komunidad sa Cebu samtang nagpadayon ang pagbangon gikan sa kadaut nga dala sa bagyo.(Camille Santos Naraga)(Source: OVP)