DAVAO CITY – Usa ka senior citizen ang namatay human ang usa ka building nga gituohan nga gigamit isip prayer house sa Aurora Street, Barangay 33-D, Davao City, nasunog kaniadtong sayong buntag sa Biyernes, Nobyembre 7, 2025.
Sumala sa Bureau of Fire Protection (BFP), nagsugod ang kalayo mga alas 4:58 sa buntag ug napalong sa alas 5:44 sa buntag. Ang mga bombero, boluntaryo, ug Central 911 responders dali nga misugpo sa insidente.
Wala pa matino ang hinungdan sa sunog ug padayon pa ang imbestigasyon sa BFP aron masuta ang tinuod nga rason sa pagka-sugod sa kalayo.
Gipahimangnoan ang publiko sa pag-amping ug pag-obserbar sa mga safety measures samtang padayon ang imbestigasyon sa maong trahedya.(Camille Santos Naraga)(Source: Contributed)7