DAVAO CITY – Nakigkita si DSWD Region XI Director Rhuelo Dalilis Aradanas kang Davao Oriental vlogger Boy Gutter Vlog niadtong Miyerkules, Oktubre 22, 2025, human sa mga alegasyon nga ang bugas nga gipang-apod-apod sa DSWD food packs alang sa mga biktima sa linog kuno kay pan-os.
Aron masayran ang tinuod nga kahimtang, gipaluto ni Aradanas ang bugas nga gidala sa vlogger, ug nagsalo sila sa pagkaon. Atol sa ilang panaghisgot, gipasabot ni Aradanas ang sitwasyon nga nagpaluyo sa reklamo sa vlogger nga unang gipost sa social media usa ka adlaw pa lang ang milabay.
Gipasidungog ni Aradanas ang kabalaka sa vlogger, samtang gisiguro ni Boy Gutter nga padayon siyang makadawat og tabang isip DSWD beneficiary. Gipasalig usab sa regional director nga padayon ang DSWD sa pag-apod-apod sa mga food packs alang sa mga residente nga naapektuhan sa linog.(Camille Santos Naraga)(Source: Contributed)