DAVAO CITY – Gipahimangnoan sa Davao City Police Office (DCPO) ang publiko nga ang pagbuhat o pagpanghatag og bomb threats — bisan pa man online o personal — usa ka grabe nga kalapasan ubos sa Presidential Decree No. 1727.
Ang mga malapason mahimong mapriso hangtod lima ka tuig, mamultahan og ₱40,000, o parehong silot. Gipasidaan sa DCPO nga bisan ang mga tinuyo o “joke” nga bomb threats makapahadlok sa publiko ug makausik sa mga kapanguhaan sa gobyerno.
“Ang kaluwasan sa publiko mao ang among unang prioridad. Magapasaka kami og kasong legal batok sa bisan kinsa nga magpakaylap og peke nga hulga,” matod ni Acting City Director PCOL Mannan Caracas Muarip. .(Camille Santos Naraga)(Source: Contributed)