DAVAO CITY – Bandang alas 9:31 sa buntag, Oktubre 23, 2025, duha ka lawas ang nakuha gikan sa landslide site sa Sitio Kipolot, Barangay Palacapao, Quezon, Bukidnon.
Sa ikalimang adlaw sa search and retrieval operations, nakaplagan sa mga rescuers ang mga biktima uban sa tabang sa mga search-and-rescue dogs gikan sa 10th Infantry Division ug mga backhoe nga gigamit sa pagbungkal sa lugar.
Mas sayo pa niadtong Domingo, Oktubre 19, 2025, unang nakaplagan ang mga personal nga gamit sa mga biktima.
Nagpasalamat ang mga lokal nga otoridad kang Governor Oneil Roque; PDRRM Officer Johan Damasco; 403rd Brigade ug 10th Infantry Division; Bukidnon Provincial Police Office nga gipangulohan ni PCol. Jovit Culaway; DRRM offices sa Valencia, Dangcagan, Kalilangan, Kadingilan, Damulog, ug Maramag; Barangay Captain Ronaldo Nietes; ug sa tanang responders gikan sa Quezon MDRRMO sa ilang dakong tabang ug kooperasyon sa maong operasyon.(Camille Santos Naraga)(Source: Contributed)