Nagkasa og operasyon ang National Bureau of Investigation (NBI) ug Philippine National Police–Criminal Investigation and Detection Group (PNP-CIDG) sa usa ka residential property sa Barangay Balibago human makatanggap og impormasyon nga posible kining gigamit isip tinaguanan ni Senador Ronald “Bato” dela Rosa.
Sumala sa mga inisyal nga impormasyon, giinspeksyonan usab sa mga operatiba ang usa ka backup pickup vehicle nga giingong nalambigit sa paggawas ni Dela Rosa gikan sa Senado niadtong Mayo 14.
Gibutyag usab sa imbestigasyon nga posible umanong adunay koneksyon ang maong property ug sakyanan sa usa ka paryente ni Senador Robin Padilla.
Wala pa’y opisyal nga komento gikan kang Dela Rosa ug sa iyang kampo mahitungod sa maong operasyon samtang padayon pa ang imbestigasyon sa mga otoridad. (Camille Santos Naraga)(Source: Contributed)