Gibanabana nga moabot sa 2,000 ka kahon sa smuggled nga sigarilyo ang nahukay sa mga pulis ug kawani sa Bureau of Customs nga gilubong sa usa ka bahin sa Barangay Gumagadong-Calawag, lungsod sa Parang, Maguindanao del Norte niadtong Martes sa buntag, Enero 6, 2026.
Sumala sa report, pribadong yuta ang nahimutangan sa lugar diin gilubong ang mga kontrabando.
Hapit usa ka semana ang gilungtad sa surveillance sa mga operatiba sa wala pa nila matun-an ang mga smuggled nga sigarilyo nga nalubong sa yuta.
Padayon pa ang imbestigasyon sa mga otoridad kabahin sa pagkadiskubre sa daghang kahon sa kontrabando aron mahibal-an kung kinsa ang tag-iya niini.(Camille Santos Naraga)(Source: Contributed)