DAVAO CITY – Nakaplagan sa mga kabatan-onan sa Saint John, Bucana, Barangay 76-A, Davao City ang patay nga lawas sa usa ka lalaki nga naglutaw sa dagat duol sa Davao Coastal Road niadtong Martes sa buntag, Enero 6, 2026. Gisultihan nila ang purok leader nga si Melagros Bardonido.
Walay nakaila sa lugar sa lalaki nga anaa na sa state of decomposition, sumala sa report sa kapulisan. Nakasuot kini og gold jersey shirt, itom nga short pants, ug inner red short pants.
Walay nakitang senyales nga foul play sa lawas, sumala pa sa pulis nga miresponde sa insidente.
Gidala na sa Angel Funeral Homes ang patay nga lawas alang sa husto nga disposisyon. (Camille Santos Naraga)(Source: Contributed)