DAVAO CITY – Posibleng gikan sa Luzon ang P23 milyones nga kantidad sa shabu ug high-grade marijuana (kush) nga nakumpiska sa gipahigayon nga raid sa Emily Homes, Barangay Cabantian, alas 5:00 sa buntag, Dominggo, Hunyo 8, 2025, sumala sa National Bureau of Investigation (NBI) Region XI.
Matod ni NBI-XI Regional Director Atty. Arcelito Albao, kasagaran sa mga kush nga ilang nadakpan sa miaging mga operasyon sa Mindanao, gikan sa Luzon—usa ka posibilidad nga ilang ginatan-aw usab karon.
Gawas sa iligal nga droga, nakumpiska usab sa lugar ang mga drug paraphernalia sama sa heat sealers, repackaging tools, ug uban pang kagamitan nga nagtimaan nga posibleng gigamit kini nga lugar isip distribution hub.
Lakip sa mga narecover mao ang Marijuana oil nga gigamit sa mga vapes, Mga pagkaon nga gi-infuse og marijuana, sama sa Multiple Boulis Switch V3 HCT concentrates Multiple Kaws Exotic and Cereal Edition packages, Multiple Packwoods x Big Chief Guava live resin, Mga drug-testing apparatus ug disposable items
Padayon ang imbestigasyon sa NBI ug sa Philippine Drug Enforcement Agency (PDEA) XI aron mahibal-an ang mas lapad pa nga sakop sa drug network nga nalambigit sa kaso.(Camille Santos Naraga)(Source: Contributed)