DAVAO CITY – Nasikop sa usa ka coordinated raid ang nagkantidad og P23 milyon nga iligal nga droga nga gilangkuban sa P17 milyon nga shabu ug P5 hangtod P6 milyon nga high-grade marijuana o kush, atol sa operasyon sa National Bureau of Investigation (NBI) XI, kauban ang Philippine Drug Enforcement Agency (PDEA) XI, sayo sa buntag sa Dominggo, Hunyo 8, 2025, sa usa ka balay sa Emily Homes, Cabantian.
Matod ni NBI XI Regional Director Atty. Arcelito Albao sa interbyu sa Mindanao Times, nakadawat sila og tip gikan sa usa ka informant nga mao sab ang caretaker sa maong balay. Giingon sa caretaker nga food delivery service kuno ang pormal nga negosyo nga gi-operate sa lugar.
Apan sa pagsulod sa mga operatiba, ilang natimahuan ang kusog nga baho nga ikasuspetsahan og marijuana ug nakit-an dayon ang mga iligal nga droga.
Walay naaresto sa maong operasyon, apan giingon sa NBI nga ilang nailhan na ang mga nagdumala sa iligal nga kalihokan ug padayon ang ilang follow-up investigation. (Camille Santos Naraga)(Source: Contributed)