Davao City – Arestado ang 3 high ranking leaders sa NPA Southern Mindanao Regional Committee sa New People’s Army human gikasa ang joint AFP-PNP operation sa Mabini Street, Bagua 3, Cotabato City.
Giila ang nga dinakpan nga si nga sila Ruel Villanueva Cabales, alyas Aman, Secretary sa Southern Mindanao Regional Committee sa NPA, Catherine Apares Guinoo, alyas Dewen, Deputy Secretary ug Member sa SMRC EXECOM ug Alma Mae Masalon, alyas Memie, NPA-SMRC member.
Ang pagka-aresto pinasikad sa warrant of arrest tungod sa mga kasong Illegal Possession, Manufacture, and Acquisition of Firearms, Ammunition, and Explosives.
Subay sa report sa 10th Infantry Division sa Philippine Army, ang 3 ka mga suspetsado adunay kasong Destructive Arson, Violation Against or Intimidation of Persons, Attempted Murder, Crimes Against International Humanitarian Law.
Sumala ni Major General Allan Hambala ang Commanding General sa 10th ID, resulta sa pagtinabangay sa mga sundalo ug law enforcement agencies ang pag-aresto sa mga opisyal sa NPA aron magpabilin ang kalinaw sa usa ka lugar. (Camille Santos Naraga)
(Source: 10th ID)