DAVAO CITY – Nahugmak ang dakong bahin sa national highway sa Barangay Madaum, Tagum City, nga nakaapekto sa tulo ka lane niadtong Disyembre 18, 2025.
Gipadayon karon sa City Engineer’s Office sa Tagum ang pag-ayo sa nadaut nga kalsada aron mapugngan ang mas grabe nga kadaut ug kalisod sa trapiko.
Sumala sa report, ang landslide hinungdan sa drainage nga nakadaut sa pundasyon sa yuta tungod sa padayon nga ulan.
Sa pagkakaron, usa ra ka lane ang magamit sa mga light vehicles, samtang gi-abisohan ang mga dagkong sakyanan sa paggamit sa alternatibong ruta aron mapadali ang trabaho ug malikayan ang dugang kadaut sa kalsada. (Camille Santos Naraga)(Source: Contributed)