DAVAO CITY – Naglunsad ang Philippine Drug Enforcement Agency sa Region XI (PDEA-XI) og Oplan Biyaheng Ayos: Pasko 2025, usab nga nailhan sa tawag nga Oplan Harabas, niadtong Huwebes sa buntag, Disyembre 18, 2025.
Gipahigayon ang operasyon sa Davao City Overland Transport Terminal (DCOTT) ug sa Van Terminal sa Gmall, JP Laurel Avenue, diin gikuha sa mga personnel sa PDEA-XI ang urine samples sa mga driver aron ipailawom sa drug testing.
Ang maong kampanya kabahin sa padayon nga paningkamot sa ahensya sa pagpugong sa iligal nga droga ug pagsiguro sa kaluwasan sa mga pasahero sa panahon sa pasko. . (Camille Santos Naraga)(Source: Contributed)