DAVAO CITY – Nadakpan sa kapulisan ang usa ka 27 anyos nga lalaki nga nailhan sa alyas nga “Dodong Taba” atol sa implementasyon sa search warrant niadtong Huwebes sa buntag, Disyembre 18, 2025, sa Purok 5, Isla Verde, Barangay 23-C, Davao City.
Sa report sa mga pulis, nasamsam gikan sa suspetsado ang giingong shabu nga adunay gibanabanang kantidad nga ₱190,400, uban ang usa ka .45 caliber nga pistola ug duha ka bala.
Ang search warrant gipirmahan ni Executive Judge Rowena Apao-Adlawan sa 11th Judicial Region sa Davao City.
Gipahigayon ang operasyon sa hiniusang pwersa sa City Drug Enforcement Unit–DCPO kauban ang RPDEU-XI, City Intelligence Unit, RID-XI, 1st ug 2nd City Mobile Force Company, ug mga operatiba sa Santa Ana Police Station 1.(Camille Santos Naraga)(Source: Contributed)