Gi-inspeksyon ni Department of Public Works and Highways (DPWH) Secretary Vince Dizon niadtong Huwebes ang naguba nga bahin sa Davao–Bukidnon Road sa Sitio Marahan, Barangay Marilog Proper, Davao City.
Gihimo ang inspeksyon human sa mga panawagan gikan sa mga residente ug mga biyahero nga naapektuhan sa mga travel restrictions nga gipatuman sa maong lugar tungod sa pagkaguba sa dalan.
Matud pa sa DPWH, gimando ni Presidente Ferdinand R. Marcos Jr. ang dayong pag-ayo sa naguba nga karsada aron dali nga maibalik ang normal nga pagbiyahe tali sa Davao City, Davao del Sur, ug Bukidnon.
Padayon usab ang koordinasyon sa DPWH sa mga lokal nga opisyal ug uban pang mga ahensya aron mapaspasan ang rehabilitasyon sa maong dalan ug maminusan ang kalisod nga nasinati sa mga motorista ug komyuter.(Camille Santos Naraga)(Source: DPWH)