Gipasalig ni Cebu Governor Pamela Baricuatro nga magpadayon ang Kapitolyo sa pag-atiman ug pagsuporta sa mga persons with disabilities (PWDs). Matud niya, ang tanang Cebuano angay makadawat og patas nga kahigayonan ug mapaminaw ang ilang tingog.
Atol sa 48th National Disability Rights Week Summit, giingon sa gobernador nga ang pagtabang sa mga PWD dili lang kalooy, kondili responsibilidad sa gobyerno.
Nagpasalig usab siya nga magpadayon ang panagtambayayong sa Kapitolyo ug sa mga lokal nga panggamhanan aron matubag ang ilang mga panginahanglan.
Kapin sa 1,500 ka PWD gikan sa Unang Distrito sa Sugbo ang mitambong sa maong kalihokan. Gipanghatagan usab sila og 10-kilong bugas pinaagi sa programang Bigay Bigas sa Masa.
Gipasalamatan sa PWD Federation sa Naga City si Gov. Baricuatro sa iyang pagtambong. Matud nila, nalipay sila kay ilang gibati nga gipaminaw ug giila sa Kapitolyo ang ilang mga kabalaka ug panginahanglan.
I via Renante Socia Lada