DAVAO CITY – Nagdugok ang mga negosyante sa Davao City Government Business Bureau niadtong Lunes, Enero 5, sa unang adlaw sa pag-renew sa business permit alang sa tuig 2026.
Sumala sa lokal nga kagamhanan, padayon ang business permit renewal hangtod Enero 31 sa nagkalain-laing renewal sites sa siyudad. Lakip niini ang SP Building sa Poblacion, Almendras Gym alang sa Talomo ug Agdao, Gaisano Grand Citygate Mall sa Buhangin, Calinan Gym sa Calinan, ug ang mga District Treasury Offices sa Baguio, Marilog, Tugbok, Toril, Bunawan, ug Paquibato.
Gipahinumduman ang mga negosyante nga mag-renew sa hustong oras aron malikayan ang silot ug masiguro ang legal ug hapsay nga pagpadagan sa ilang mga negosyo.(Camille Santos Naraga)(Source: Contributed)