DAVAO CITY – Dayon nga miresponde ang City Social Welfare and Development Office (CSWDO), Vice Mayor’s Office, ug 1st District Congressional Office sa mga residente sa Barangay 21-C, Davao City nga nasunogan niadtong Oktubre 2, 2025 sa gabii ug karon nagpuyo sa evacuation center.
Nanghatag sila og food packs, sanina, ug ubang mga emergency supplies alang sa mga naapektohan.
Gipangunahan ni Acting Davao City Vice Mayor Rodrigo “Rigo” Duterte II ang pagpang-apod-apod sa hinabang sa mga biktima sa sunog.
Nagpasalig usab si Duterte nga maghatag ang lokal nga pangagamhanan og financial assistance ug pagkaon matag adlaw aron matabangan ang mga pamilya nga makabangon ug makabalik sa normal nga kinabuhi. (Camille Santos Naraga)(Source: Contributed)