DAVAO CITY – Miabot na sa Daanbantayan ang mga medical team gikan sa Davao City Health Office nga gilangkoban sa mga doktor ug nars aron motabang sa nagpadayong relief operations. Nagpatukod sila og medical stations aron maghatag og dali nga serbisyong panglawas sa mga residente nga naapektohan sa linog.
Nagdala usab ang grupo og mga kinahanglanong medical supplies, lakip na ang mga kahon sa tambal, aron masuportahan ang pagtambal ug pag-ayo sa mga biktima.
Gipalabay usab sa team sa Provincial Hospital of Bogo City ang 200 doses sa tetanus toxoid aron magamit sa mga pasyenteng nagkinahanglan niini.(Camille Santos Naraga)(Source: Contributed)