DAVAO CITY – Gidagsa sa mga nangita og trabaho ang Kalayaan Job Fair nga gipahigayon karong Hunyo 12, sa usa ka mall sa Ecoland, Davao City, isip kabahin sa pagselebrar sa 126th Philippine Independence Day.
Gipasiugdahan sa Department of Labor and Employment (DOLE) Region XI, ang maong job fair nagtanyag og libo-libong oportunidad sa trabaho, lokal ug abroad.
Gipahibalo sa DOLE nga 26 ka employers ang mitambong sa kalihokan — 21 ka local companies ug 5 ka overseas recruitment agencies.
Sa datos sa DOLE XI, 28 ka aplikante ang na-hired on the spot subay sa ilang record sa alas 11 sa buntag.(Camille Santos Naraga)(Source: PIA)