Naghiusa ang tanang sakop sa Police Regional Office 7 (PRO-7) ilawom sa pagpangulo ni PBGEN Redrico A. Maranan sa pagsaulog sa 127th Philippine Independence Day karong adlawa, Hunyo 12, 2025. Ang maong okasyon nagsilbing pahinumdom sa sakripisyo sa mga bayani aron makab-ot ang kagawasan sa nasud.
Ang kasaysayan sa kagawasan sa Pilipinas nagsugod niadtong Hunyo 12, 1898, sa Kawit, Cavite, sa dihang si Heneral Emilio Aguinaldo miproklamar sa kagawasan gikan sa mga Kastila. Ang pagsaka sa bandila ug pagtugtog sa atong nasudnong awit maoy timaan sa pagkahimugso sa unang demokratiko nga republika sa Asia.
Ang PRO-7 misaad nga magpadayon sa pagpanalipod sa kalinaw ug kagawasan pinaagi sa pagsunod sa balaod, pagpugong sa krimen, ug pagserbisyo sa katawhan. Ilang gipasidungog ang kaisog sa mga bayani pinaagi sa tinuoray nga serbisyo sa komunidad.
“As we commemorate the 127th Independence Day, we not only remember our history but also continue to advance the true meaning of freedom — freedom that comes with responsibility, discipline, and compassion for others. As the Regional Director of Police Regional Office 7, I take immense pride in every police officer who serves as a pillar of peace and order in our communities,” segon ni PBGen. Maranan.
“PRO-7 stands in solidarity with the vision of Bagong Pilipinas, a society that is safe, peaceful, and united. As we honor the heroism of our forefathers, we also reaffirm our commitment to continue what they have started”, dugang niya.
Nagpabilin nga lig-on ang panumpa sa mga sakop sa Police Regional Office 7 (PRO-7) sa ilang tahas nga pagpanalipod sa kalinaw ug pagbantay sa kagawasan nga gisakripisyohan sa atong mga bayani.
Subay sa panan-aw sa Bagong Pilipinas, padayon ang paningkamot sa PRO-7 nga makigtambayayong sa komunidad aron magtukod og mas luwas ug mas lig-on nga nasud alang sa tanang Pilipino.
Kini nga paningkamot mao ang ilang paagi sa pagpasalamat ug pagpadayon sa legasiya sa kagawasan, ug pagsiguro nga dili masayang ang pakigbisog sa atong mga bayani alang sa gawasnong Pilipinas.
Source: PRO7
I via Renante Socia Lada
#rpndykccebu