Davao City – Hugot nga gibantayan sa mga supporters ang mga balay ni kanhi Pangulo Rodrigo Duterte sa Davao City human mikatap ang impormasyon nga kini sudlon sa mga sakop sa Criminal Investigation and Detection Group (CIDG) ug Special Action Force (SAF) aron magpatuman og search warrant.
Sumala sa mga post sa pipila ka mga sikat nga vlogger sa Davao, ang maong impormasyon gituohang gikan mismo sa anak sa kanhi pangulo nga si Veronica “Kitty” Duterte.
Tungod niini, midagsa pagbalik ang mga supporters sa palibot sa mga balay ni Duterte. Apil sa nitambong mao ang mga residente ug pipila ka mga barangay kapitan nga nagpaila sa ilang suporta ug kabalaka.
Hangtod karong orasa, wala pa’y opisyal nga presensya gikan sa CIDG ug SAF sa lugar, apan nadungag ang tensyon sa mga nakakita og drone nga milupad ibabaw sa compound sa kanhi pangulo.
Nagpadayon ang pagbantay ug hulat sa mga katawhan samtang nagpaabot og klarong impormasyon gikan sa otoridad.(Camille Santos Naraga)(Source: Contributed)