DAVAO CITY – Gidala sa Southern Philippines Medical Center (SPMC) ang upat ka pasahero sa usa ka tricycle human kini mabanggaan og bus sa Quezon Boulevard, Davao City sa alas 3:40 sa kaadlawon niadtong Huwebes Santo, Abril 17, 2025.
Base sa imbestigasyon sa Traffic Enforcement Unit sa Davao City Police Office (DCPO), nagsubay sa maong dalan ang tricycle nga gimaneho ni Abdulazis Baroa Sultan, residente sa Purok 6, Mini Forest, Barangay 23-C, Quezon Boulevard, Davao City, ug ang Metro Shuttle bus nga gimaneho ni Melanio Jr. Calimpong Bolodo, residente sa Purok 3, Caasinan, Cabadbaran, Agusan del Norte.
Gisugyot sa report nga nag-una ang tricycle padulong sa Ecoland, ug pag-abot sa may Bolton Bridge, nahitabo ang insidente. Resulta niini, naangol ang upat ka pasahero sa tricycle nga giila nga sila si Zuhaila Utto, Rasha Utto Lawan, Jasmin Utto Lawan, ug Farina Utto Lawan.
Gipaubos na sa kustodiya sa kapulisan ang drayber sa tricycle ug bus samtang nagpadayon ang imbestigasyon aron matino ang hinungdan sa aksidente.(Camille Santos Naraga)(Source: Contributed)