DAVAO CITY – Naluwas sa kapulisan ang usa ka menor de edad nga gidagit gikan sa Davao City ug gidala paingon sa North Cotabato.
Sumala sa report, nahitabo ang insidente alas 11:30 sa buntag sa Disyembre 23, 2025, sa Davao City Overland Transport Terminal (DCOTT). Dayon nga gisubay sa mga pulis ang lokasyon sa suspek sa Sitio Kilabao, Barangay Kimadzil, Carmen, ug nakumpiska ug na-aresto ang babayeng nagdala sa bata pasado alas 6:00 sa gabii sa Disyembre 24.
Gipahibalo sa Davao City Police nga ang suspek nakasupak sa Article 270 sa Revised Penal Code o “Failure to Return a Minor.” Naluwas ang menor de edad nga biktima ug kasamtangang protektado sa mga otoridad.
Gidayeg sa DCPO ang kahusayan sa Women and Children Protection Desk (WCPD), operating units, ug partner agencies sa paspas nga aksyon aron masulbad ang kaso. .(Camille Santos Naraga)(Source: Contributed)