DAVAO OCCIDENTAL – Tulo ka balay ang nasunog sa Barangay Carahaya, Jose Abad Santos, Davao Occidental niadtong buntag sa Disyembre 25, 2025, bandang alas 11:00, sumala sa video nga gi-upload ni Canoy Joven.
Makita sa video nga kusog kaayo ang kalayo ug wala’y mga bombero nga nakaabot sa lugar, hinungdan nga lisod mapalong ang siga. Gipahibalo usab ni Joven nga wala na nila makaya ang pagtabang tungod sa kainit ug kadako sa kalayo.
Ang mga balay ginama sa kahoy, nga nakapadali sa pagkaylap sa siga ug sa kadaut sa tulo ka panimalay.
Nanawagan si Joven og tabang alang sa mga pamilyang naapektuhan aron makapanag-iya og bag-ong balay ug makabangon gikan sa trahedya. (Camille Santos Naraga)(Source: Contributed