DAVAO CITY – Usa ka 22 anyos nga lalaki nga nailhan nga si alyas “Piolo” ang gikaso sa Bunawan Police Station 6 human misaka sa poste sa kuryente sa Davao Light and Power Company sa Barangay Ilang, Davao City, niadtong buntag sa Christmas Day.
Pasado alas 12:00 sa udto, na-rescue si Piolo human makumbinse sa iyang igsoon nga babaye nga mokanaug gikan sa poste gamit ang boom truck sa DLPC.
Subay sa report sa kapulisan, nag-inum pa si Piolo kauban ang iyang igsoon sa usa ka construction area sa Purok 1, Mambago B, Island Garden City of Samal, Davao del Norte. Gituohan sa pulisya nga adunay problema sa panghunahuna si Piolo ug nakagamit siya og illegal nga droga, base sa iyang gisulti sa interbyu.
Gikustodiya na karon si Piolo ug posibleng silotan sa kaso nga Alarms and Scandals.(Camille Santos Naraga)(Source: Contributed)