Aron mapalig-on ang disiplina ug integridad sa hanay sa kapulisan, gipangunahan ni PLTCOL Frederick C. Sa-ao, Acting Chief of Police sa Mati City Police Station (CPS), ang inspeksyon sa mga cellphone sa tanang personahe atol sa accounting of personnel alas 8:00 sa buntag niadtong Enero 30, 2026.
Ang maong lakang gitumong sa pagsiguro nga walay naka-install nga ilegal nga online gambling applications sa mga personal nga gamit sa kapulisan, subay sa mando ug direktiba sa Higher Headquarters.
Pinaagi sa maong kalihokan, gipakita sa Mati CPS ang ilang hugot nga baruganan batok sa ilegal nga bisyo ug ang padayon nga paningkamot sa pagmintinar sa propesyonalismo, integridad, ug matinud-anong pag-alagad alang sa katawhan. (Camille Santos Naraga)(Source: Contributed)