Naghatag og nagkadaiyang farm inputs ang Provincial Agriculturist’s Office (PAGRO) inubanan sa Department of Agriculture (DA) ngadto sa lain-laing farmers’ associations sa probinsya niadtong Miyerkules, Enero 29, 2026, isip kabahin sa paningkamot sa gobyerno sa pagpalig-on sa lokal nga agrikultura.
Apil sa mga gipanghatag ang de-kalidad nga banana seedlings, hybrid yellow corn seeds, abono, isda feeds, mga galamiton alang sa gulayan, ug uban pang mahimung gamiton sa uma ug pangisdaan aron mapauswag ang produksyon sa mga mag-uuma ug mananagat.
Sumala sa PAGRO, ang maong tabang kabahin sa padayon nga programa sa administrasyon ni Governor Raul Mabanglo nga nagtumong sa pagpalig-on sa panginabuhian sa mga mag-uuma ug pagpasig-uli sa kusog sa sektor sa agrikultura sa probinsya. (Camille Santos Naraga)(Source: Contributed)