Pinaagi sa paningkamot sa City Government of Dipolog ubos sa City Environment and Natural Resources Office (CENRO), Malampusong napagawas sa dagat, Kaniadtong hapon sa Enero 30, 2026, ang 216 ka Olive Ridley pawikan hatchlings sa Dipolog Boulevard.
Gitambongan ang kalihokan nila CENR Officer Mercedita C. Guerrero ug OIC-ACENRO Atty. Gratian Paul R. Tidor, uban sa DENR–CENRO Manukan Coastal Resources Management Unit nga gipangulohan ni Mr. Jim V. Montejar.
Daghang molupyo ug manan-aw ang nakasaksi sa pagbalik sa gagmay’ng pawikan ngadto sa ilang natural nga puy-anan, nga nagpasiugda sa padayon nga paningkamot sa siyudad sa pagpanalipod sa kinaiyahan ug marine biodiversity sa kabaybayonan sa Dipolog.(IKEN B. GULLEM)
Source: Dipolog City Government