Iniulat ng pamunuan ng Davao City Overland Transport Terminal (DCOTT) na bumaba ang bilang ng mga pasahero sa DCOTT sa kabila ng mahabang weekend at pag-alala ng kaluluwa.
Ayon sa manager ng DCOTT na si Aisa Usop, tinatayang nasa 1,000 na lang ang daily trips simula noong Biyernes na mas mababa sa inaasahang 2,000 bus trip na karaniwan araw-araw.
Umaasa ang pamunuan ng DCOTT na dadagsa ang mga pasahero sa terminal noong Biyernes, ngunit laking gulat nila nang kakaunti lang ang mga pasaherong sumakay sa bus kahit weekend.
Naniniwala si Usop na natatakot at nangangamba ang mga pasaherong bibiyahe dahil sa pananalasa ng bagyong Paeng sa ibang bahagi ng Visayas at Mindanao.
Ayon kay Usop, may mga bus na papunta sa Bohol, Samar, Leyte sa Visayas at Pasay sa Luzon habang may ilang pasahero din na pauwi sa kanilang probinsya sa Cotabato kahit na ang lugar ay naapektuhan ng bagyong Paeng.
Bukod sa bagyo, sinabi ni Usop na malamang na bumaba ang mga pasahero dahil hindi sila interesadong bumiyahe, marahil sa pagtaas ng presyo ng pamasahe sa bus.
Source: DCOTT
