Nasikop sa mga otoridad ang usa ka lalaki nga nagtrabaho isip electrical helper human makuhaan og gituohang shabu nga nagkantidad og kapin ₱4,000 atol sa buy-bust operation sa Purok-20, Barangay Poblacion, Prosperidad, Agusan del Sur pasado alas 12 sa kaadlawon niadtong Mayo 24.
Giila ang nadakpan pinaagi sa alyas “Brad,” 37 anyos, adunay live-in partner ug residente sa Purok-5 sa maong barangay.
Nakuha gikan sa suspek ang tulo ka sachet sa gituohang shabu nga adunay kinatibuk-ang street value nga ₱4,080. Apil usab sa narekober ang buy-bust money ug uban pang personal nga gamit.
Giapohan karon ang suspek og kaso tungod sa paglapas sa RA 9165 o Comprehensive Dangerous Drugs Act of 2002. (Camille Santos Naraga)(Source: Contributed)