Nakuha na sa mga responder ang chariot vehicle nga nahulog duol sa entrada sa Tinuy-an Falls sa Bislig City, sumala sa lokal nga panggamhanan.
Nahitabò ang insidente pasado alas 10 sa buntag niadtong Mayo 24, 2026, diin usa ka chariot nga gisakyan sa mga turista ang nahulog sa maong lugar.
Bisan pa sa nahitabong aksidente, luwas ang tanang 12 ka pasahero nga pawang mga lokal nga turista.
Gidayeg sa City Government of Bislig ang Incident Management Team ug uban pang rescue responders tungod sa ilang dali ug organisadong responde sa insidente.
Nagpasalamat usab ang LGU sa kooperasyon ug pagsabot sa publiko atol sa retrieval operation. .(Camille Santos Naraga)(Source: Contributed)