Kas panagsagana iti panangrugi ti panawen ti tudo, pinainget ti Gobierno Munisipal ti Paoay ti agtultuloy a dredging operations kadagiti nadumaduma a waterways iti intero a ili ti paoay kas paset ti proactive flood prevention ken disaster preparedness efforts. Ti programa ket maypanggep ti pannakadalus dagiti drainage systems kadagiti naurnong a silt, rugit, ken dadduma pay a manglapped iti panagdaliasat iti ayus ti danum bayat ti napigsa a tudo. Babaen kadagitoy agtultuloy nga dredging operations, ikaligaguman ti gobierno ti Paoay a pabassiten ti peggad ti layus kadagiti nababa ken nalaka a maapektaran a lugar, a mangipasigurado iti kinatalged ken pagimbagan dagiti umili. Segun kenni Mayor Shiella A. Galano, agtultuloy ti Municipal Government of Paoay a mangipatungpal kadagiti preventive measures a mangsalaknib kadagiti komunidad ken mangpapigsa iti resilience ti munisipyo kontra kadagiti natural a kalamidad. Makatulong pay dagiti dredging operations iti pannakamantener dagiti nadaldalus a pagayusan ti danum ken ppanangpasaayaat iti kinadalus ti aglawlaw iti entero a munisipalidad. By: Niña Tabilos