Cebu: KAPIN 3,000 KA MGA PINANGITA SA BALAOD ANG NASIKOP SA PRO7 SULOD SA 6 KA BULAN NGA OPERASYON

0
9

Subra sa 3,199 ka wanted persons ang nadakpan sa kapulisan sa Central Visayas gikan Enero hangtod Hunyo 2025, subay sa gipakusgang operasyon sa Police Regional Office 7 (PRO7) batok sa kriminalidad.

Sa maong gidaghanon, 502 niini ang giilang Most Wanted Persons (MWPs) – 304 sa regional ug provincial level, 54 sa city level, 137 sa municipal level, ug 7 sa station level. Ang uban nga 2,697 ka mga indibidwal adunay outstanding warrant of arrest sa nagkalain-laing kaso.

Matod ni PRO7 Regional Director PBGEN Redrico A. Maranan, kining mga nadakpan nagpamatuod nga epektibo ang ilang gipakusgang pagpangita sa mga wanted.

Ang kalampusan sa operasyon resulta sa kooperasyon sa tanang unit sa kapulisan sa rehiyon – provincial, city, ug municipal – uban sa suporta sa intelligence units ug laing mga ahensya.Gidayeg usab ni PBGEN Maranan ang dedikasyon ug kahanas sa mga sakop sa PRO7.

Nagpahimangno usab siya sa mga wanted nga padayon ang ilang operasyon, ug walay makalikay sa balaod.

Ang maong manhunt operations kabahin sa estratehiya sa PRO7 aron lig-onon ang kaluwasan sa publiko, bungkagon ang mga grupo sa krimen, ug ipatuman ang balaod sa tibuok Central Visayas.

Source: PRO7

| via Renante Socia Lada

Leave a Reply