DAVAO CITY – Gilamoy sa kalayo ang kapin 40 ka mga balay sa Unity Drive, Barangay Tetuan, alas 3:00 sa hapon, Setyembre 19, 2025, nga miabot pa sa ikaduhang alarma.
Pasado alas 7:00 sa gabii gideklarang fire out ang sunog, ug wala’y gireport nga naangin nga kinabuhi.
Temporaryo karon nga nagpuyo sa Tetuan Central School Gym ang mga naapektuhang residente.
Gimandoan usab ni Mayor Khymer Olaso ang City Social Welfare and Development (CSWD) nga maghatag og tabang sa mga biktima.
Sa pagkakaron, padayon pang gisusi sa Bureau of Fire Protection (BFP) ang hinungdan sa sunog ug ang kantidad sa danyos niini.(Camille Santos Naraga)(Source: Contributed)