DAVAO CITY – Gideploy ang kapin 2,000 ka mga pulis gikan sa Manila Police District aron magbantay sa seguridad sa Quezon City atol sa State of the Nation Address (SONA) ni Presidente Ferdinand “Bongbong” Marcos Jr. karong Lunes, Hulyo 28.
Apil usab sa mga gipalihok ang mga pulis gikan sa lain-laing police stations sa Metro Manila. Sa kinatibuk-an, miabot sa 12,000 ka mga pulis ang nakalatid nga magbantay ug mopadayon sa peace and order sa palibot sa venue.
Gipasabot sa kapulisan nga andam sila sa posibleng mga rally ug lihok-protesta sa mga militanteng grupo nga gilauman nga modagsa sa mga kritikal nga lugar karong hapon.(Camille Santos Naraga)(Source: Contributed)