DAVAO CITY – Miduyog sa selebrasyon sa Araw ng Barangay 14-B si Cong. Paolo Duterte ug iyang anak nga si Acting Vice Mayor Rigo Duterte.
Gihatagan nila ang barangay og 14 ka solar-powered streetlights, samtang 36 ka units usab ang gihatag sa Barangay 24-C. Gilauman nga kini makatabang sa pagpaayo sa kahayag ug kaluwasan sa komunidad.
Naghatag usab sila og sports equipment alang sa mga kabatan-onan aron mapalambo ang aktibidad sa sports ug panaghiusa sa barangay.
Sumala ni Rigo Duterte, ang sports usa ka paagi aron mapatubo ang disiplina ug panaghiusa sa mga kabatan-onan.
Una nang nakadawat sa susamang mga donasyon ang Barangay 76-A Bucana, Maa, ug Talomo.
Dugang pa ni Cong. Paolo Duterte, ang solar lights usa ka long-term investment alang sa kaluwasan ug kalikupan sa komunidad. .(Camille Santos Naraga)(Source: Contributed)