Sa ilang weekly accomplishment report gikan sa Hulyo 21 hangtod 27, 2025, mipakita ang Cebu Police Provincial Office (CPPO) sa ilang kusog ug epektibong operasyon batok sa iligal nga drogas, armas, sugal, ug pagpangdakop sa mga wanted persons.
Sa kampanya batok iligal nga drogas, 37 ang nadakpan sa 29 ka operasyon. Nakuha ang 67.39 gramos nga shabu ug 100 ka piraso sa marijuana stalks, nga nagkantidad og kapin ₱478,000. Usa kini sa labing dako nga kantidad nga nasakmit sulod sa maong semanahuna. Ang CPPO nakapasaka og 63 ka kaso nga may kalabotan sa iligal nga drogas.
Sa pagpangdakop sa mga wanted persons, 26 ang nadakpan gikan sa 26 ka operasyon. Apil niini ang 4 ka most wanted ug 22 ka uban pang wanted persons. Gipangulohan kini sa paspas nga aksyon sa mga operatiba ubos sa mando ni PCOL Christopher Moreno Bermudez ug Regional Director PBGEN Redrico Maranan.
Adunay 11 ka operasyon usab batok sa iligal nga armas, diin 8 ang nadakpan ug 12 ka armas ang nakumpiskar ug gisurender. Sa iligal nga sugal, 24 ang nadakpan sa 21 ka operasyon, nga nakakuha og halin nga ₱8,254 ug nakapasaka og kaso sa 21 ka mga tawo.
Sa implementasyon sa mga lokal nga ordinansa, 479 ang gipamultahan, 190 ang gisultihan, ug 147 ang ubang giaksyunan. Ang kinatibuk-ang koleksyon sa multa miabot og ₱218,500. Kini nga report nagpamatuod nga padayon ang CPPO sa ilang paningkamot nga maprotektahan ang katawhan ug mapadayon ang kalinaw sa tibuok probinsya sa Sugbo.
Source: CPPO
I via Renante Socia Lada