Mipalag ang aktor nga si Jake Ejercito batok sa usa ka video nga gi-post sa Dabawenyong content creator nga si Crist Briand, diin giapil niini ang hulagway sa iyang anak nga si Ellie — anak nila ni Andi Eigenmann.
Sa iyang social media post, klaro ang kasuko ni Jake ug nanawagan siya sa publiko nga i-report ang maong video. Giila usab niya nga “clout chasing” o pagpangayo og atensyon ang gibuhat ni Crist Briand pinaagi sa paggamit sa imahe sa iyang anak nga walay pagtugot.
Sa sunod nga post, gibutyag ni Jake nga gi-delete na sa content creator ang video, apan nagapadayon gihapon siya og konsulta sa posible nga legal nga aksyon batok niini.(Camille Santos Naraga)(Source: Contributed)