Mipaabot sa mainitong pagtimbaya si Congressman Paolo “Pulong” Duterte sa iyang igsoon nga si Bise Presidente Sara Duterte nga misaulog sa iyang ika-47 nga kaadlawan niadtong Mayo 31, 2025.
“May God continue to bless you with good health, patience and strength… Taas-taas pa atong laban. Naa ra ko pirmi sa imong likod, kilid, atubangan, ug asa ko nimo kinahanglan. Protektahan ta mo sa akong makaya,” matod ni Cong. Pulong sa iyang mensahe nga gipost sa social media.
Giawhag usab sa kongresista ang Bise Presidente nga ipadayon ang iyang pakigbisog alang sa kaayohan sa nasud, ilabi na sa panahon karon nga puno sa mga hagit ang politika sa Pilipinas.
“Stay young and artistahin! Love you, Day!” dugang pa niya.
Gidugang usab ni Pulong ang usa ka personal nga tugon—ang pagpangayo og pabor nga gakson ni VP Sara ang ilang amahan nga si kanhi Presidente Rodrigo Duterte, nga kasamtangang anaay detensyon sa International Criminal Court (ICC) detention facility sa The Hague, Netherlands.(Camille Santos Naraga)(Source: Contributed)