Gibalhin ni Senate President Chiz Escudero ngadto sa Hunyo 11, 2025 ang presentasyon sa Articles of Impeachment batok kang Bise Presidente Sara Duterte.
Sumala ni Escudero, gikinahanglan nga unahon una ang pagtrabaho sa mga priority legislative measures sa wala pa ang pormal nga adjournment sa ika-19 nga Kongreso karong Hunyo 14.
“Mas angayan nga humanon una nato ang mga balaodnong prioridad nga makabenepisyo sa katawhan. Ang proseso sa impeachment importante, pero ang serbisyo publiko kinahanglan magpadayon,” matod ni Escudero sa usa ka pahayag.
Nagpaabot ang publiko sa posibleng development sa maong impeachment complaint, samtang nanawagan ang pipila ka senador ug mga sektor nga himuong patas ug lig-on ang proseso. .(Camille Santos Naraga)(Source: Contributed)