DAVAO CITY – Nadakpan sa usa ka entrapment operation ang usa ka 47 anyos nga suspetsadong ilegal nga nagbaligya og paputok pinaagi sa online. Ang operasyon gipahigayon sa mga operatiba sa City Investigation and Detective Management Unit (CIDMU) uban ang ZCPS 11 ug Regional Civil Security Unit 9, nga may koordinasyon sa City Licensing Office.
Giila ang suspek sa alyas “Larry,” nga naaresto human siya makabaligya og mga paputok online sa hapon sa bisperas sa Pasko, Disyembre 24, didto sa Nuñez Extension, Camino Nuevo, Zamboanga City.
Sumala sa report, nakumpiska sa mga operatiba ang kapin sa 500,000 pesos nga kantidad sa mga firecrackers ug pyrotechnic devices.
Nakaplagan usab sa mga awtoridad nga nag-operate ang suspek walay angay nga special business permit alang sa pagbaligya sa paputok.
Ang mga nakumpiskang paputok anaa na karon sa custody sa Zamboanga City Police Office alang sa hustong disposisyon ug dugang nga imbestigasyon. .(Camille Santos Naraga)(Source: Contributed)